....oghananú sagði kellingin

2007-03-18T20:24:00.000Z

2007-03-16T19:44:00.000Z

Mér finnst þessi frétt alveg stórkostleg. Skil hinsvegar ekki hvaða máli það skiptir að mennirnir hafi verið Vestmannaeyingar...bara fyndið.

2007-03-15T10:35:00.000Z

Merkilegt hvað allt slæmt kemur á sama tíma. Mig dreymdi risastóra könguló um daginn og það er sko gott að dreyma könguló. Það merkir mikla gleði. Ég er enn að bíða eftir þessari gleði því ég hef bara fengið slæmar fréttir og leiðindi síðustu daga. Það er stór klettur á mér og ég burðast með hann hvert sem ég fer. Mig langar að losna við þennan klett... mig dreymdi líka um daginn mjög óróan sjógang, þungan og ljótan sjó. Hvað ætli það merki... ég þarf kannski að ganga í gegnum erfiðleikana (sjóganginn) áður en köngulóardraumurinn kemur í ljós.

2007-03-08T08:59:00.000Z

Jæja dúllurnar mínar... ástæðan fyrir bloggleysinu var einfaldlega sú að það er búið að vera brjálað að gera hjá mér síðustu daga. Er búin að vera eins og skopparabolti á milli paradísareyjunnar og borgarinnar og svo er ansi mikið að gera í vinnunni sannkölluð vertíðarstemmning hjá mér og fasteignagjöldunum í Sparisjóðnum. Svo er búið að vera svo gott í sjónvarpinu að ég hef ekki getað slitið mig frá uppáhaldsþáttunum mínum. Gott og blessað með það...eða hvað...hmmmmm. Þótti annars gaman að einhver saknaði mín og ég fékk símtöl og sms um hvort ég væri nokkuð hætt að blogga.
En jæja....eitthvað hef ég nú grætt á þessum borgarferðum mínum annað en að hitta myndarlega lækninn minn....eins og t.d. þá hef ég nýtt tímann og kíkt í heimsókn til vinkvenna minna í borginni, geri allt of lítið af því þar sem ég er alltaf svo upptekinn í búðum en núna fékk ég eiginlega alveg nóg af búðum. Fór að vísu á útsölu í Regatta og gallaði mig algjörlega upp fyrir skíðaíþróttina. Keypti mér skíðaúlpu, skíðabuxur og skíðagleraugu. Kemst pottþétt á Ólympíuleikana í þessu outfitti. Fór svo í bíó og sá "The last king of Scotland" sem er algjör snilld. Ótrúlegt hvað farið er að birta á morgnana. Núna styttist óðfluga í maí sem er eiginlega minn versti mánuður. Maímánuður einkennist nefnilega yfirleitt af svokölluðum gluggaveðrum; rok, sól og kalt.... fíla það ekki. Maður er í úlpu en það er eiginlega of heitt að vera í úlpu í sólinni, þannig að maður fer úr úlpunni en þá blæs köldu og þá er of kalt að vera á peysunni. Maður fer inn í sjóðheitan bílinn í úlpunni og svitnar, nennir varla aftur úr úlpunni í bílnum, sér ekki út um gluggarúðuna fyrir sól sem er svo lágt á lofti.... Svo ég tali nú ekki um rafmagnið sem maður fær í sig.... Ekki skemmtilegt, hugsa til þessa með hryllingi..... Kannski er þetta bara mitt vorþunglyndi... ekki fæ ég skammdegisþunglyndi. Ég ætti kannski að byrja að telja dagana að október....kjáninn ég.

2007-02-19T23:04:00.000Z

"Ó, mamma, gef mér rós í hárið á mér,
því tveir litlir strákar eru skotnir í mér.
Annar er blindur og hinn ekkert sér.
Ó, mamma, gef mér rós í hárið á mér.

Þegiðu stelpa, þú færð enga rós,
farðu heldur með henni Gunnu út í fjós.
Þar eru kálfar og þar eru kýr,
þar eru fötur til að mjólka í. "

Þetta lag er dóttir mín alltaf að syngja þessa dagana. Get ekki að því gert en textinn fer alveg óskaplega í taugarnar á mér. Mér finnst hann virkilega ljótur. Þarna er ung stelpa í aðahlutverki. Hún syngur um að tveir litlir strákar séu skotnir í sér og það þarf endilega að koma fram að annar sé blindur og hinn sjái ekki (er hann ekki þá blindur líka ?). Gott mál að peyjarnir séu skotnir í henni en afhverju geta þeir þá ekki séð hvað hún er falleg... eða er hún kannski ekki falleg ??? Plús... tilhvers þarf hún rós í hárið þegar strákarnir sjá hana hvort eð er ekki. Hitt atriðið í textanum er þegar mamma hennar byrstir sig við hana og segir henni að þegja. Þetta orð nota ég aldrei, mér finnst það mjög ljótt og dónalegt og jaðra við að slá fólk utanundir. Sumum finnst þetta orð saklaust en ég hef annan skilning á því. Svo endar mamma hennar á að skipa dóttur sinni út í fjós að mjólka kýr og enga rós fær hún... þetta lag endar virkilega illa. Hvurslags eiginlega vitleysa er þetta?

2007-02-18T16:57:00.000Z

Í morgun bankaði pabbi uppá hjá mér og afhenti mér blómvönd og óskaði mér til hamingju með daginn. Hann er svo mikil dúlla og ég vissi ekki einu sinni að það væri konudagurinn. Frábær pabbi.

2007-02-17T22:55:00.000Z

Sorrý ! Gat verið að þetta lag ynni Euro... algjörlega fyrirsjáanlegt og eins og þetta hafi verið löngu ákveðið. Að vísu var ég með nettar áhyggjur yfir að Friðrik Ómar eða Jónsi ynnu þetta en jæja... Eiki vann þetta og hann hefur sko ekkert breyst síðan 1986. Hef ekkert á móti honum en lagið finnst mér bara ekkert gott. Mér finnst aldrei gott að velja svipað lag og vann árið áður. Í keppninni árið eftir að Ruslana vann þá var annaðhvert lag með ruslatunnutrommum og núna grunar mig að annaðhvort lag verði rokk. Mér fannst annars "Þú tryllir mig", lagið með Heiðu og "Húsin hafa augu" (þeim sárvantaði að vísu kúrekahattana þar) mun skárri en lögin í fyrsta og öðru sætinu en jæja það verður að hafa þetta. Held ég geti ekki haft neinar áhyggjur af að vera að vinna í kjördeild á Eurovisionkvöldinu í maí, Eiríkur fær pottþétt 12 stig frá Norge og líklega svo ekki mikið fleiri en æ ég nenni ekki að hlusta á þetta lag aftur.
Rúv á svo hrós skilið fyrir Eurovisionið, þetta var bara mjög skemmtilegt.

2007-02-14T12:15:00.000Z

Mín búin að vera lasin síðustu daga... slöpp með hausverk og kvef. Þrátt fyrir það þurfti ég til Reykjavíkur í skottúr til læknis og það er ekkert sérstakt að standa í svona ferðalögum í veikindum... bót í máli að ég gat EKKI verslað af mér rassgatið sökum einbeitingarleysis og slappleika. Komst þó í eina heimsókn og í bíó fór ég með Hjördísi einkabílstjóra og hótelhaldara og Siggu vinkonu. Við sáum Blood Diamond sem er algjör snilld og Leonardo diCaprio...jiminn góður..... flottur var hann. Sigga virtist þó lifa sig of mikið inní myndina og brá mér mikið þegar henni brá því hún kipptist svo við í hvert skipti að byssukúlu var skotið. Gaman að því en mæli með Blood Diamond.

2007-02-10T19:09:00.000Z

Jæja... hvert er litla samfélagið okkar að fara...eða kannski hvert er það farið ? Öll þessi hræðilegu mál sem eru að koma upp á yfirborðið núna í sambandi við barnamisnotkun, Byrgið, Kompás og jú frábært að þetta er að koma upp en viðbjóður að þetta skuli hafa viðgengist og enginn virðist vera ábyrgur. Ég sjálf hef ekki getað horft á Kastljós síðustu daga.. ég hef ekki taugar í svona og get ekki horft upp á stóra og sterka fullorðna karlmenn brotna eins og hríslur segjandi frá sinni hræðilegu lífsreynslu. Fékk tölvupóst um daginn með myndum af fullorðnum karlmönnum og þeirra prívathluta sem þeir sýndu "13 ára stúlku" á netinu. Mér varð óglatt þegar ég skoðaði þetta en fannst þetta um leið frábær leið til að klekkja á þeim. Vonandi fara þessir menn að fá dóma sem eiga við brotin.... í mínum huga eru þessi brot á börnum oft á tíðum verri en morð.

Kellan þarf í borgina á morgun, læknisheimsókn á mánudagsmorgun og svo strax aftur til Eyja með fyrri ferð Herjólfs. Ég er ekkert alveg að fíla þessi ferðalög en læt það eftir mér að fara í bíó á morgun svona til að gleðja bíóhjartað mitt.

2007-02-07T14:57:00.000Z

Skellti mér í höfuðborgina í örskot til að heimsækja lækni. Hafði nú ekki mínútu aflögu til að kíkja í búðir. Fór beint úr Herjólfi í Smárabíó og sá Apocalypto. Þvílíka snilldin er þessi mynd. Gisti hjá Hjördísi sys sem er líka einkabílstjórinn minn. Skellti mér svo aftur til Eyja morguninn eftir og mikið verð ég alltaf fegin að komast aftur heim, þó ég sé að heiman í 10 daga eða í 1 dag. Það er eitthvað sem togar fast í mann, eitthvað mjög svo ólýsanlegt.

Svo er ég að springa úr monti af dóttur minni sem fékk hæstu einkunn á leikskólanum. Rúllar upp öllum skólaverkefnum, mjög félagslega sterk, klár, dugleg og bara frábær. Hún talar þó stundum meira en góðu hófi gegnir og ekki þá bara á leikskólanum heldur líka heima hjá sér, það er ansi oft sem ég er að tala við tvo í einu, hlusta á sjónvarpið með einu eyranu og hlusta á hana með hinu eyranu... um daginn virtist hún sjálf eitthvað orðin þreytt á sjálfri sér og sagðist ætla að hætta að tala því henni væri illt í munninum af tali. Þessa málgleði hefur hún ekki frá móður sinni.

Vildi svo benda ykkur á að Jörðin (The Earth) er komin aftur á dagskrá á Rúv á mánudagskvöldum. Einir flottustu þættir sem hafa verið gerðir.

2007-02-05T08:53:00.000Z

Ekkert smá sorglegt. Stöð 2 eru hættir með Ísland í bítið og þetta sem voru einir af mínum uppáhaldsþáttum, þegar ég gat horft á þá. Mér finnst þetta mikil afturför hjá þeim. Ég kveikti alltaf á Íslandi í bítið þegar ég var að borða morgunmatinn og þetta var svona fastur punktur í tilverunni hjá mér. Í morgun hinsvegar snerist ég í hringi og vissi ekkert hvernig ég ætti að vera.

2007-02-02T14:25:00.000Z

Eftir hvaða reglum fer dómskerfið á Íslandi. Þetta er mér á allan hátt óskiljanlegt og eins viðbjóðslegt og hugsast getur. Kíkið hingað. Skammist ykkar þið þarna lögmenn fimm...skamm skamm !!!

2007-02-02T10:31:00.000Z

Ég viðurkenni það fúslega, ég hélt með Pólverjunum í gær. Ég er bara alls ekki búin að jafna mig á Danaleiknum.

2007-01-30T13:02:00.000Z

Djöfulsins viðbjóður... afsakið orðbragðið. Ég gerði óvísindalega könnun áðan. Labbaði í vinnuna í hádeginu. Ég er ca 4 mínútur að labba frá Faxastígnum og að Sparisjóðnum og á leiðinni og á þessum stutta spotta sá ég 12 hundaskíta á gangstéttinni. Hvað er aaaaaaðððððð ???? Ef hundaeigendur geta ekki drullast til að þrífa þetta ógeð upp eftir hundana sína þá eiga þeir ekki að vera með hund, þeir geta bara fengið sér gullfisk. Án gríns, ég þarf að vanda mig þegar ég labba í vinnunna því ég horfi niður til að labba ekki í þetta. Mér er skapi næst að senda þessa grein í Fréttir og helst vildi ég af öllu banna hunda í þéttbýli og hananú. Það er svo fullt af fólki sem bara getur ekki séð um hunda, hefur ekki tíma, hefur ekki kunnáttu og skynsemi í það.
Gott dæmi: Vinkona mín var að gefa kettlinga og til hennar kom kona að skoða einn þeirra. Henni langaði í kisu en vildi samt ekki gera kisunni það að hún væri að vinna mikið og hefði lítinn tíma í að sinna henni. Daginn eftir hringir þessi kona og segist ekki ætla að taka kettlinginn, hún ætli að fá sér hund!
Þetta er málið í hnotskurn. Að eiga hund er vinna. Það er greinilega í tísku að hafa hund og ég þekki örfáa einstaklinga sem virkilega kunna að eiga hunda, ef allir væru eins og þeir þá væri þetta ekki vandamál.... og í guðanna bænum hundar eiga að vera bundnir....... hef lent í því að fá hund hlaupandi að mér og ég virkilega stirðnaði upp úr hræðslu.

2007-01-29T08:59:00.000Z

Þessi helgi var akkúrat eins og ég vil hafa þær. Bara afslöppun og dúllerí. Ég sá Saw 3 um helgina og annan eins viðbjóð hef ég sjaldan séð en hún var rosa góð ... hehehehe. Sá líka teiknimyndina Monster House og hún var bara nokkuð skemmtileg, fínasta afþreying, við Linda Björk gláptum á hana og hlógum og hlógum og hún var sko ekkert hrædd eins og ég fékk að vita nokkrum sinnum á meðan við horfðum. Hún fékk líka síðbúna afmælisgjöf, náttkjól og Cars á DVD.. ég var rosalega ánægð með það...hehehehe. Elska svona teiknimyndir.

Ég verð svo alveg geggjuð ef við töpum á móti Dönum. Ég verð bara alveg hrikalega tapsár ef við töpum á móti þessum Norðurlandaþjóðum. Finn strax fyrir stressi fyrir leiknum... vá.

2007-01-27T21:29:00.000Z

Liðinu gengur bara betur í rauðu búningunum, hvað svosem veldur því hmmmmmm.

Ég var svo ekki að fíla þennan kjól sem Ragnhildur Steinunn var í í Eurovision. Hrikalega flottur á litinn en í hvert sinn sem hún var í mynd var ég að spá í hlýranum sem "vantaði".... ekki flott.

2007-01-26T08:59:00.000Z

Stikkorð:
Linda Björk lasin, hóstaði stanslaust í einn og hálfan klukkutíma í gær og endaði á að gubba... það verður ekki grjónagrautur í matinn á næstunni allavega.
Agalegt svekkelsi leikurinn í gær, mikið bölvað á heimilinu.... en hann Ragnar Óskarsson... hann er virkilega eins og hobbiti.... þvílíka krúttið.
Kláraði "Móðir í hjáverkum" sem er snilldarbók og er núna byrjuð á "Hring Tankados" e. Dan Brown og hún lofar mjög góðu.
Hvernig endaði Greys á mánudaginn..... einhver ??? Ég tók hann nefnilega upp og það vantaði bláendann á honum.
Tveir saumóar í vikunni og þvílíkar kræsingar.
Ég er hrikalega ánægð að það skuli vera föstudagur og helgin verður bara notaleg hjá mér.
Áfram Ísland !

2007-01-22T20:14:00.000Z

Guð minn góður leikurinn..... þetta var alveg að fara með mig... og nei nei hvaða dóni kallar þá fyrir aula....puffffff..... ét það svo sannarlega ofan í mig.

2007-01-22T09:26:00.000Z

Það er bannað að hafa saumaklúbb á mánudögum... tvímælalaust besta sjónvarpskvöldið: Lost, Greys, American Idol, OC og Heroes...... úfff ég held ég hafi ekki tíma til að pissa í kvöld.

2007-01-21T20:12:00.001Z

Aular !!!

2007-01-21T17:46:00.000Z

Ég tók þá ákvörðun að fylgjast með íslenska landsliðinu á HM í þetta skiptið. Fannst það skynsamlegra heldur en að vera að pirra mig á því að þetta sé alltaf í sjónvarpinu á meðan á þessu stendur. Þetta landslið vakti líka dálítinn áhuga hjá mér þegar þeir unnu Svíana.... úfff ég er sko bara hamingjusöm þegar það gerist og mér er alveg sama þó þeir tapi öllum öðrum leikjum bara að þeir vinni Svíþjóð. Núna er ég búin að horfa á einn leik og án gríns það eru einungis fjórir menn þarna sem ég virkilega kannast við og myndi þekkja úti á götu. Birki Ívar þekki ég persónulega þannig að ég tel hann ekki með. Óla Stefáns, Fúsa, Guðjón Val og Alfreð Gísla þekki ég en það er þá upptalið, restina af liðinu myndi ég einfaldlega ekki kannast við eða hvað þá vita nöfnin. "Þýsku"auglýsingarnar í kringum útsendingarnar eru nokkuð góðar...... "gerum okkar, gerum okkar, gerum okkar, gerum okkar bestessssss" Frábært.

Ég ætla svo að vona að sem flestir hafi séð Spaugstofuna í gær... þvílíka snilldin. Þetta var einn sá albesti Spaugstofuþáttur sem ég hef séð. Meiri snillingar þessir menn.

2007-01-18T09:47:00.000Z

Gæjalegir Eimskipsmenn. Tilkynntu hækkun á fargjaldi Herjólfs sem er by the way viðbjóðslega hátt fyrir. Þeir fóru fínt í það og sögðu 45 króna hækkun á einingu. Við fyrstu sýn er það ekki mikið en þegar maður fer að reikna þá kemur það svona út:
Ferð fyrir okkur fjölskylduna, tvo fullorðna, barn, bíl og klefa fram og til baka kostaði fyrir hækkun 26 einingar eða samtals 9.360 kr. Já það kostar okkur tæpar tíu þúsund krónur að ferðast með Herjólfi fram og til baka... sem er jú fargjald til London. Við tökum örsjaldan klefa en ég reiknaði það samt inn þar sem flest fjölskyldufólk sem ég þekki tekur klefa. Eftir hækkun kostar þessi ferð okkur 10.530 kr. og er þá búið að hækka um 1170 kr. Þetta er ótrúlegt og með tilliti til þess að endalaust er verið að kvarta yfir of háu fargjaldi og meira að segja hefur verið þrýst á lækkun fargjalds. Ég þakka guði fyrir launahækkanir sem ég hef fengið og hafa brúað milið á milli þessara hækkana plús lækkun matarverðs ... yndislegt að matarverð lækki á sama tíma og birgjar ákveða að hækka hjá sér... tilviljun hmmmmm. Stundum finnst mér ég búa í bananalýðveldi.

2007-01-16T10:44:00.000Z

Uppáhaldsstelpan mín er 5 ára í dag.

2007-01-10T11:44:00.000Z

Afhverju pissa strákar standandi í klósett ????

Ég er mikið búin að velta þessu fyrir mér. Afhverju sitja strákar ekki og pissa í klósettið ? Er þetta eitthvað tengt karlmennsku að þurfa að standa og geta stjórnað bununni ofaní ?

Ég las um daginn grein akkúrat um þetta efni. Það var karlmaður sem skrifaði þá grein. Hann sagði að þessi aðgerð að pissa standandi væri eitt af því sóðalegasta sem hægt væri að gera. Við bununa sem líkt er við foss þá skvettist hlandið um alla skálina og það sem verra er það slettist líka framhjá og pínulitlir freyðidropar skvettast hátt upp á veggi og á gólfið allt í kringum klósettið, þetta eru örsmáir dropar sem augað nemur varla. Það sama á við að klósettsetunni skal alltaf lokað áður en sturtað er niður því ef hún er opin við "sturtinguna" þá nær "vatnssullið" að skvettast á gólfið og allt þar í kring. Þessvegna biður maður alltaf um að klósettsetan sé lokuð... svo ég tali nú ekki um Feng-Shui kenninguna "ef klósettsetan er opin þá streyma peningarnir ofaní klósettið", sel það ekki dýrara en ég keypti það.

Þetta var hálfsubbulegt blogg en læt það flakka... með von um að karlmenn fari hreinlegu leiðina.. því oftar en ekki eruð það við skvísurnar sem jú þrífum klósettið.

2007-01-09T08:57:00.000Z

Alveg stórsniðugt að skella sér svona til borgarinnar í einn dag. Gerði reifarakaup í Intersport og keypti mér m.a. útihlaupagallann sem ég er búin að vera að bíða eftir og hélt ég gæti aldrei fengið hann undir 15 þús kalli... ó nei þessi var á 70% útsölu og fékk hann á 2000 krónur takk, boli og æfingabuxur... allt á ruglverði og ég sömuleiðis alveg orðin rugluð.

Næst á dagskrá er 5 ára afmæli litlu rófunnar. Ætla að halda upp á það á laugardaginn, Benedikts Búálfs þema.... diskar, dúkar og glös í boði SPRON. Fullt af krökkum = bara fjör.

2007-01-06T14:32:00.000Z

Ég get ekki annað en glaðst yfir því að þröngar gallabuxur eru eftir stutta "inniveru" algjörlega komnar út í kuldann.
Ég ætla annars að skutlast til Reykjavíkur á morgun. Fer með fyrri ferð Herjólfs, bruna í Smáralind og eyði líklega deginum þar á útsölum, bruna svo aftur heim með seinni ferð Herjólfs. Allar þessar útsöluauglýsingar eru bara að gera út af við mig og ég barasta verð......
Síðasti dagur jóla í dag og nú er bara að telja í næstu jól. Tek niður jólaskrautið á mánudaginn og það er alltaf dálítið sorglegt verk.... en nóg framundan svo sem en eins og dóttirin segir "næst er það afmælið mitt svo páskarnir og svo þjóðhátíðin".

Eitt það ósmekklegasta sem ég veit um er þegar fólk er að tala um og þá virkilega opinskátt að það sé með magapínu "upp og niður"....... ég vil ekki heyra þetta og sérstaklega ekki neinar lýsingar. Þetta fólk á að vera heima hjá sér en ekki að smita aðra.

2007-01-05T09:20:00.000Z

Svona glæpamönnum á bara að kasta í litla ljóta fangelsisholu og gleypa lykilinn.

2007-01-01T14:21:00.000Z

Guð minn góður. Í fyrrakvöld voru svínalundir í matinn, í gær kalkúnn og í kvöld verða nautalundir.....jiminn góður.... svo verður bara soðin ýsa næstu vikur, það held ég nú.

Átti annars yndislegt gamlárskvöld í faðmi fjölskyldunnar í gær. Vaknaði svo hress í morgun þökk sé rólegheitum og drykkju á óáfengum drykkjum... love it.

Ég er með áramótaheit eða kannski áramótamarkmið... það er reyndar það sama og undanfarin ár og það er leyndarmál... vonandi tekst það hjá mér þetta árið... og nei það er ekki það að hætta að naga neglurnar... er alveg hætt að reyna við það heit.

2006-12-29T08:46:00.000Z

Furðulegt. Fór á Mýrina í bíó í gær og fannst hún æði. Las hinsvegar bókina í sumar og fannst hún hörmuleg..........hmmmmm.... yfirleitt er þetta nú öfugt. Fannst myndin í alla staði góð en ég átti dáldið bágt með mig í byrjunaratriðinu...enda um að ræða veika og svo látna stelpu jafngamla dóttur minni. Ég á alltaf erfitt með að horfa á svona.

Svo eru áramótin á næsta leyti. Óska ykkur öllum gleðilegs árs og farsældar á nýju ári !!!

2006-12-27T09:27:00.000Z

Jæja þá... þá er fjörið yfirstaðið og hversdagsleikinn tekinn við á ný. Mætti allt allt of seint í vinnu í morgun enda er ansi erfitt að koma sér á fætur og viðurkenna það að jólafríið sé búið.
Ég hafði það ofsalega gott um jólin eins og endranær. Fékk fullt af fallegum gjöfum og ber þar hæst samlokusíminn sem mig hafði dreymt um og hafði næstum kostað hjónaskilnað... ég bara skildi ekki afhverju Brynjar var svona þrjóskur á að gefa mér ekki símann í jólagjöf... sama hvað ég nauðaði í honum.. nei nei ég fengi engan síma frá honum samt var hann í vandræðum með hvað hann ætti að gefa mér. Það kom svo upp úr kafinu að hún móðir mín hafði hringt í hann snemma í desember og sagst ætla að gefa mér símann þannig að símann góða fékk ég frá foreldrum mínum og alveg alsæl með það og skildi loksins þennan þrjóskugang í Brynjari greyinu.

Eins og alltaf eru jólin sjónvarpsveisla hjá sjónvarpssjúklingnum.....
Horfði á æðislega mynd í gær; Blóðbönd..... vill einhver segja mér hvaðan þessi leikari kemur sem lék augnlækninn... jiiiiminn eini þvílíkur sjarmör. Tók upp Sálina og Gospel og horfi kannski á það ef ég nenni.... týndi áhuga mínum á Sálinni á árinu sem er að líða. Tók upp Harry Potter 3 og hlakka til að sjá hana. Horfði á fyrri hlutann um fljóðbylgjuna í Asíu og hlakka til að sjá seinni hlutann. Horfði á fullt af teiknimyndum og tók upp Shrek 2, alltaf gaman að eiga góðar teiknimyndir fyrir stelpuna... og mig híhíhí. Hjördís kom með seríu 3 af OC og ég er að klára seríu 2. Er svo að lesa Móðir í hjáverkum og hún er bara fyndin.
Hvað er betra en góð náttföt, hlýir innisokkar (bleikir), konfekt á borðum, jólaöl, góð mynd í sjónvarpinu og lítil stelpa sem segir að ég sé "uppáhaldsmamman sín" ???? ... lovlí.

2006-12-18T08:58:00.000Z

Við Brynjar vorum að rífast um jól á Íslandi og jól á sólarstöðum eins og Kanarí. Eitthvað misskildi hann mig og fannst ég segja að það væru engin jól við sólarströndina. Mér finnst kannski engin jól við sólarströndina en ég er ekki að segja að það séu engin jól þar. Mér finnst bara ekkert jólalegt við bikiní, gullnar strendur, hita og sól. Ég myndi aldrei vilja eyða jólunum á sólarströnd. Ég vil bara vera heima hjá mér um þennan tíma með myrkrið og kuldann og ég get ekki skilið allan þennan fjölda af fólki sem ætlar að eyða þessum dýrmæta tíma á sólarströnd, en það er bara ég og ég er spes. Hvað finnst ykkur ? Hvort finnst ykkur jólalegra...............

Sólarlandajól eða "vetrarogkuldajól"

Þó að hvítu jólin séu sjaldséð hér þá finnst mér þetta ekki spurning. Svo þekkir fólk í heitu löndunum auðvitað ekkert annað en sól og hita á jólum. Hvað er maður annað en vaninn.

Ég er komin í (blogg) jólafrí. Farin að dansa "snjódansinn".

Óska ykkur öllum gleðilegra jóla og farsældar á nýju ári.

2006-12-15T16:19:00.000Z

Þetta var eitt það allra krúttulegasta sem ég hef séð. Fór á helgileikrit á leikskólanum hjá dömunni og jiiii þetta var yndislegt. Var auðvitað eins og óð mamma með videóvélina, ómetanlegur dýrgripur festur á filmu.
Kíkti með mömmu og litlunni í gær á tónleika með Kaffihúsakórnum og skemmti mér ofsalega vel. Þarna eru frábærir söngmenn og konur. Frábær og vel útsett lög og kórinn sjálfur kom mér virkilega á óvart, held ég verði hér með fastagestur á tónleikum Kaffihúsakórsins.

2006-12-11T09:29:00.000Z

Ég hata öll þessi ógeðslegu banaslys í umferðinni. Mér finnst þessi dauðsföll svo mikill óþarfi. Ég get á engan hátt skilið að foreldrar missi fimm ára dóttur sína og að átta ára sonur þeirra örkumlist í bílslysi á sama tíma. Ég get ekki skilið hvernig það er hægt að leggja svona hrylling á fólk. Hvað er að gerast með ökumenn í dag. Það er svo mikið um tryllta og æsta ökumenn sem finnst þér vera að missa af öllu ef þeir aka á löglegum hraða. Það þarf að breikka vegina á helstu álagspunktum vegakerfisins og það þarf að gerast strax ég nenni ekki að hlusta á fleiri banaslystilkynningar.... með tilliti til þess sem ítölsku ferðamennirnir sögðu um þjóðvegina okkar "þetta eru mjóir sveitavegir"..... það er rétt, þeir eru allt of mjóir og hlykkjóttir.

2006-12-08T14:08:00.000Z

Ég er bara ekki alveg að venjast því að hlaupa úti í sól og blíðu í desember með jólalög í eyrunum. Finnst bara eitthvað skrýtið við það.

2006-12-07T09:10:00.000Z

Mér finnst nú lágmark að Jóladagatal Sjónvarpsins sé jólalegt. Ég get ekki séð neitt jólalegt við þetta sem er í gangi núna (sem er líka endursýnt frá 1991), það er ekki einu sinni snjór.

2006-12-06T11:46:00.000Z

Aldrei, aldrei hefði mér dottið í hug að ég skyldi segja þetta en ég segi það hér og nú, ég er komin með svo mikinn leiða á Sálinni hans Jóns míns, komst að því þegar ég sá myndband með þeim og Gospel að ég bara fékk smá ógeð. Þetta eru allt sömu lögin fram og til baka hvort sem það er með Gospel, órafmagnað eða með Sinfóníuhljómsveitinni. Sorry. Mér finnst að þeir hefðu átt að vera fyrir löngu búnir að taka sér aftur langa pásu. Þetta er svona svipað og þegar við Brynjar vorum að keyra norður á Sigló hér í den og eini diskurinn í bílnum var Cat Stevens..... hann Brynjar setti hann í tækið í Reykjavík og slökkti á honum þegar við vorum komin á leiðarenda. Síðan þá fæ ég flensu og gubbupest þegar minnst er á Cat Stevens... ég held ég sé meira að segja búin að fela diskinn góða en man ekki hvar.

2006-12-05T13:51:00.000Z

Jiii ég er enn að skreyta..... alltaf að fatta eitthvað eitt og eitt sem ég gleymi en það er bara gaman. Brynjar spurði mig um daginn hvort þetta væri ekki komið nóg.....nei nei nei......

Næst á dagskrá eru jólakortin.... sá svo fyndið um daginn og það væri gaman ef Brynjar héti Finnur og ég ætti fullt af börnum. Þá gæti ég alltaf verið rosalega fyndin á jólakortunum; "Gleðileg jól gott og farsælt komandi ár, þakka liðið. Matta, Finnur, börnin" eða.... "Finnur, Matta, börnin" (?)..... mér fannst þetta alveg óborganlegt enda er ég með mjög einfaldan húmor. Annars er þetta bara alltaf sama setningin á þessum jólakortum .... samt gaman að vesenast í þessu.

Það er annars bara búið að vera brjálað að gera hjá minni síðustu daga... nóg að snúast og vinkona mín er farin að kvarta yfir öllum þessum "sýnishornaheimsóknum" sem ég gef henni. Eins gott að eiga ekki jólagjafirnar eftir.

2006-12-04T09:17:00.000Z

Horfði á skemmtidagskránna v. Rauða nefsins á Stöð 2 á föstudagskvöld... eiginlega samt með öðru auganu. Ég átti hinsvegar ekki til orð í lokin þegar síðasta tónlistaratriðið kom, bjóst sterklega við að Baggalútur skyldi flytja "Brostu" enda búið að vera einkennislag þessarar söfnunarherferðar en nei nei viti menn kom ekki bara Ómar Ragnarsson með eitthvað bull þarna. Var bara alls ekki að fatta þetta.

2006-12-01T09:04:00.000Z

Hvað er eiginlega með svart jólaskraut ??? Get með engu móti vanist því.

2006-11-30T09:15:00.000Z

Hún dóttir mín skellti mér í jörðina í gær og sagði blákalt við mig að ég væri kerling og Hjördís (yngri systir mín og frænka hennar) væri sko stelpa því hún væri alltaf svo fín með eyrnalokka og demantahálsmen...... "þú ert ekki með eyrnalokka, þú ert bara alltaf með hárið upp í loftið" Ómæ er það nú hreinskilnin..... hef samt lúmskan grun um að hún hafi verið að stríða mér líka þó að eitthvað af þessu sé auðvitað sannleikur því þegar hún fór að sofa tók hún utan um mig og hvíslaði að mér að ég væri stelpa. Krúttið litla.
Skelli skuldinni á það að ég er í sakleysi mínu að safna hári og hárlubbinn á mér á það til að standa svolítið út í loftið þegar ég vakna plús ég kann ekkert að vera með svona sídd af hári, kann ekki að nota spennur.

2006-11-29T10:12:00.000Z

Frábært nýja lagið með Baggalút.... "Brostu" Hresst og skemmtilegt lag og kemur manni í gott skap.
Hvað ætli þetta sé annars með mig og jólasveinahúfur...ég held ég kaupi mér jólasveinahúfur um hver jól. Núna var ég að kaupa mér þessa fínu húfu með fléttum....hehehehe ógeðslega flott, keypti reyndar tvær, eina handa dótturinni líka..hehehehehehe. Samt fínt á meðan ég er ekki að kaupa mér skegg líka....híhíhí.

2006-11-28T10:44:00.000Z

Ég veit ekki hversu oft ég óskaði mér í gær að vera Meredith Grey..... skil hinsvegar ekki afhverju hún á í svona miklum erfiðleikum með að velja á milli þessara tveggja; Dr. Finn og Dr. Shepard...... ég þyrfti nú ekki að hugsa mig um tvisvar, er alveg á því að Dr. Shepard búi yfir ofurkröftum. Ef ég myndi hitta hann myndi ég líklega falla í yfirlið.... hvernig er þetta hægt bara og skurðlæknir í þokkabót...úffffff... væri ekkert á móti því að hitta hann...sko ekki leikarann sjálfann heldur karakterinn.
Sá líka ansi merkilegan þátt á Rúv í gær frá BBC. Aldamótabörn. Sat alveg límd yfir þessum þætti enda koma oft stórkostlegir heimildarþættir frá BBC.

Annað; það er greinilega í tísku hjá Íslendingum að fara til Köben. Ein ónefnd sem er nýkomin þaðan sagði að það hefði gjörsamlega allt verið krökkt af Íslendingum í borginni. Hún fór á veitingastað og þar voru allir í kringum hana íslenskir, þegar losnaði borð við hliðina á henni sem á voru íslendingar komu bara íslendingar í staðinn. Alls staðar heyrði hún íslenskuna mælta. Mér finnst þetta ekki spennandi og ég held ég hafi engan áhuga á að fara til Köben a.m.k. ekki á þessum árstíma. Mér dettur frekar í hug Stokkhólmur sem er að ég hef heyrt mun fallegri og meira spennandi og ódýrari og áreiðanlega ekki mikið af Íslendingum. Æ þetta er bara einhver lenska hjá mér með utanlandsferðir, mig langar ekki til að fara á stað þar sem maður hittir endalaust fyrir Íslendinga. Annars er ég ekkert á leiðinni til útlanda.... mig langar bara að fara aftur til Bandaríkjanna ef ég á annað borð er að fara út... eða í skíðaferð punktur.

2006-11-27T09:03:00.000Z

....og enn af orðum sem mér finnst ljót og pirra mig eins og brækur sem ég hef áður látið í ljós vanþóknun mína á. Ég er bara hálfpartinn hrædd við þetta orð.
Svo eru það fleiri orð sem mér finnst ljót eins og t.d. að hala niður, Brynjar notar þetta alltaf og ég bara skil þetta ekki, það heitir að sturta niður. Þegar talað er um nýfædd börn sem prinsa og prinsessur.... vúúú ég fæ bara hroll það er svo væmið. Ýkt og kúl eru líka ýkt ljót orð.
Éta.... (dýr éta, fólk borðar). Brauðrist... það er eitthvað svo fullkomið við þetta orð, ég nota bara ristabrauðsvél. Allra verst af öllu finnst mér að sjá stafsetningarvillur í sjónvarpsauglýsingum og blaðaauglýsingum... það getur alveg sprengt í mér pirringsmælinn. Einnig þegar talað er um bróðir dóttur minnar sem Bróa.... finnst það með ólíkindum ljótt og leiðinlegt orð og ég er óþreytandi að segja nafnið hans í sífellu þegar þetta orð kemur upp. Hvað ef hún eignast svo yngri bróður... er það Brói tvö eða hvernig er það ?
Einnig þegar fólk segist ætla að græja eitthvað... ég geri þetta sjálf og fæ alveg sting í magann þegar ég heyri mig segja þetta ljóta orð. Ég er sko ekki mannana best í þessu... ég er alltaf að reyna að hætta með ógeðslega, öfga og þessi hrikalegu lýsingarorð.
Einnig... slekk ég stundum á gluggunum þegar sólin er farin að skína of mikið inn til mín, einnig tala ég um haldara í stað brjóstahaldara... æ finnst seinna orðið bara pínku dónalegt *roðn*... og klunnalegt.

2006-11-26T10:36:00.000Z

Við mæðgur erum að horfa á Polar Express.... hún er meiri snilldin þessi mynd og alveg nauðsynleg á þessum tíma, kemst bara í jóla-jólaskap.
Eitt annað sem brennur á mér.... hafið þið heyrt nýju útsetninguna á "Kvöldsiglingu" með Friðriki Karls og Þórunni Lár ? Ég segi nú bara eins og Ásgeir Kolbeins, "ég gubbaði bara næstum....". Mér finnst þetta bara algjör eyðilegging á þessu fallega lagi, þessi Enyu stíll sem mér finnst bara hræðilegur og svo er söngkonan nú ekki mitt uppáhald en jæja... mér brá bara svo þegar ég heyrði þetta lag, hvað finnst ykkur ?

2006-11-24T08:46:00.000Z

Ojbarasta... ég er búin að týna 12 þúsund króna inneign sem ég átti í Office 1.... þetta er frekar pirrandi.

2006-11-22T10:11:00.000Z

Hversu mikil snilld er það að kaupa sér bíl og fá 75 þús. króna gjafakort í Smáralind með. Já það var gaman hjá mér um helgina í Reykjavíkinni.
Ég er sem sagt búin að kaupa allar jólagjafir og núna er bara eftir að skreyta, skrifa jólakortin, kaupa jólamatinn og pakka inn gjöfum. Ekki leiðinlegt.
Fór til tannsa og hann var þvílíkt ánægður með mig þar sem ég er búin að vera svo dugleg að nota tannþráð á hverju kvöldi.
Fór í bíó með dótturina á "Skógarstríð"... algjör snilld sú mynd enda er ég teiknimyndafan.
Fórum líka í keilu með stelpuna... og ég horfði bara á.... finnst þetta ein asnalegasta og leiðinlegasta íþrótt sem til er... en það var gaman að sjá hvað litla fjögurra ára skvísan var klár.
Nýji bíllinn er æðipæði, algjör dreki.
Svo er ég að lesa frábæra bók sem heitir "Draumaveröld Kaupalkans".... úff hvað ég sé mig stundum í henni....hehehehehehe.

2006-11-16T09:01:00.000Z

Síðan ég varð bíllaus fyrir rúmum þremur vikum þá hefur verið óveður. Veðurfréttamenn tala um að hafa ekki séð eins mikinn vind í fjögur ár og kulda í átta ár. Hvað er málið ? Held að blóðið í mér hafi verið frosið þegar ég mætti í vinnu í morgun....brrrrrrr þvílíkur kuldi. Já já ég er ekki að kvarta yfir veðrinu alls ekki en ég hefði nú alveg viljað vera með bílinn til taks.

2006-11-14T09:33:00.000Z

Mig langar í svona í jólagjöf.... og það er eins gott að Brynjar sjái þessa færslu.

2006-11-13T10:46:00.000Z

Hverjum í andskotanum dettur í hug að við eigum að fara að borga íslenskukennslu fyrir þessa nýfluttu útlendinga sem streyma hingað til lands. Ég get með engu móti skilið þetta. Hvaða vitleysa er í gangi ? Ég get ekki betur séð en að við íslendingar sem borgum okkar skatta þurfum öll að greiða fyrir okkar skólagöngu þ.e. eftir skylduna. Svo koma útlendingar hérna til að vinna og senda meirihlutann af laununum aftur út og jú jú þeir fá bara ókeypis íslenskukennslu sem kostar alveg helling fyrir ríkið. Þeir geta sko bara alveg borgað sína helvítis íslenskukennslu sjálfir. Við eigum ekki að aðlaga okkur að þeim, þeir eiga að aðlaga sig að okkur og hananú.... ég er bara bálreið yfir þessari vitleysu.

Sá annars góða mynd um helgina; The Break-up með Jennifer Aniston og Vince Vaughn. Fannst hún hrikalega fyndin.

Komst í jólaskap í gær. Við mæðgur bökuðum tvær sortir, settum á okkur jólasveinahúfur og hlustuðum á jólalög á meðan plús... ég setti upp jólaóróana í gluggana.

2006-11-11T16:52:00.000Z

Það er nóg að gera hjá okkur Bólu í dag um helgina (já bólan er aftur mætt á hökuna). Byrjuðum daginn á frábærri heimsókn til hennar Ásu frænku. Þar var allt skreytt í tilefni Hrekkjavökunnar og fullt af köngulóm, rottum, köngulóarvefjum, graskerjum, draugum, fljótandi augum og fleira og fleira. Hún bauð okkur mæðgum upp á "ormapasta", "pöddumuffins" og "köngulóarköku". Frábært og ég væri alveg til í að taka þessa hefð upp og hún kæmi þá í staðinn fyrir ógeðis öskudaginn sem getur gert mig brjálaða.

Gestgjafinn í miðjunni

Þessi "rotta" tók á móti okkur í andyrinu

Köngulóarland í loftinu

Köngulóarvefir um allt

2006-11-08T08:56:00.000Z

Þessi pollur blasti við okkur einn morguninn í sumar úti við útidyrahurðina. Okkur fannst þessi pollur hafa svo merkilega lögun ... þetta er alveg eins og vangamynd af konu... hvað finnst ykkur ??

2006-11-06T09:57:00.000Z

Maður kemst nú ekki hjá því að heyra um stjórnmál þessa dagana enda er þessu gjörsamlega troðið í eyrun á manni ef maður horfir reglulega á fréttatímana.
Mér finnst einn maður standa uppúr; Magnús Þór Hafsteinsson. Mér finnst þessi maður hafa allt til að bera góðan stjórnmálamann, hann er samkvæmur sjálfum sér, traustur, ákveðinn og svo hugsar hann skynsamlega og þorir að segja það sem honum finnst plús hann hefur verið iðinn við að fjalla um samgöngumál okkar Eyjamanna.
Núna er hann stimplaður sem kynþáttahatari fyrir þær skoðanir sem hann hefur á málum innflytjenda. Ég er svo sammála manninum. Hann hefur svo rétt fyrir sér. Ég er farin að hafa miklar áhyggjur af öllum þessum útlendingum sem flæða yfir til okkar. Mér finnst hræðilegt og aljgörlega óviðunandi að þurfa að tala ensku þegar maður fer út að borða í Reykjavík eða bara þegar maður borgar á kassa. Ég er búin að ákveða að ég ætli ekki að tala ensku....ég held mig bara við íslenskuna og ef þjónninn skilur mig ekki þá bara það... þá fer ég bara eitthvað annað. Núna verð ég áreiðanlega stimpluð sem kynþáttahatari en ég vil frekar vera kynþáttahatari með Magnúsi Þór heldur en að vera í liði með Steinunni Valdísi og hananú. Áfram Magnús og Ku Klux Klan..... nei grín þetta síðarnefnda... bara svona til heiðurs Steinunni Valdísi.

2006-11-04T19:04:00.000Z

Eins gott að ég var ekki að labba niður Laugaveginn í dag.

2006-11-03T12:55:00.000Z

Ég elska arkitektúr og þá sérstaklega innanhússarkitektúr og ég hefði pottþétt farið í það nám ef ég hefði fæðst með snefil af stærðfræðigáfum. Ég elska að stúdera hönnun og skipulagningu á heimilum. Sniðugar lausnir, falleg híbýli, smekklegheit og því um líkt. Vegna þessa áhuga míns þá eru Innlit/Útlit, Veggfóður og Extreme Makeover-home edition einir af mínum uppáhaldsþáttum.
Mér blöskraði þó verulega um daginn þegar ég horfði á Innlit/útlit. Ég rakst svo á grein í Mogganum í dag á bls. 61 eftir Arnar Eggert Thoroddsen. Í þessari grein segir Arnar frá upplifun sinni af síðasta Innlit/útlit þætti og hvað honum blöskraði eins og mér... endilega kíkið á þessa grein, mjög góð hjá honum. Ef þið hafið ekki séð Innlit/útlit þáttinn síðan síðasta þriðjudag endilega farið á netið og kíkið á hann. Það sem fór svona fyrir brjóstið á mér var hegðun þáttastjórnanda sem er frá mínu sjónarhorni algjörlega óviðeigandi og hann mætti skammast sín og biðjast afsökunar á þessu "atriði". Kíkt var í heimsókn til Ásgeirs Kolbeins og nýja íbúðin hans sem var frá mínu sjónarhorni algjörlega venjuleg íbúð.. það var ekkert athugavert við hana og eldhúsið var að mínu mati bara fínt, dökkar innréttingar og nýlegar en bara snyrtilegt og fínt. Arnari Gauta fannst þetta viðurstyggð og lét sko sjónvarpsáhorfendur heyra hvað honum fannst. Ég ætla að vona að fyrri íbúar hafi ekki séð þennan þátt, þvílík niðurlæging. Ég veit ekki hvernig ég get lýst þessu atriði á milli Arnars og Ásgeirs... þetta var ömurlegt í alla staði og þeir báðir eru ekki hátt skrifaðir hjá mér eftir þetta og örugglega fleirum. Þvílíkan snobbræfilshátt hef ég aldrei séð og vitað um. Skamm skamm !!!

2006-11-01T11:38:00.000Z

Hvenær lýkur þessum kosningum eiginlega... jedúdda mía hvað þetta er yfirþyrmandi eitthvað. Blöðin yfirfull af "kjóstu mig kjóstu mig" greinum og svo eru endalausir bæklingar inn um lúguna hjá manni, held ég setji bara ruslafötuna undir bréfalúguna :o/
Hvað er það annars með umbúðir á klósettpappír... er að lenda aftur og aftur í því að kaupa eldhúsrúllur í staðinn fyrir klósettpappír vegna þess að umbúðirnar eru alveg nákvæmlega eins. Ég sem nota aldrei eldhúsrúllur.... en núna á ég 8 rúllur inní skáp......hmmmmm.

2006-10-30T10:07:00.000Z

Þar sem það er ekkert að gera hjá mér þá finnst mér eins og það sé ekkert að gera hjá öllum þá er þetta voða sniðugt sem hún Sigga var með á síðunni sinni....... smá próf if you nenn !!!

1. miðnafnið þitt:
2. Aldur:
3. Single or Taken:
4. Uppáhalds bíómynd:
5. Uppáhalds lag:
6. Uppáhaldshljómsveit:
7. Dirty or Clean:
8. Tattoo eða göt:
9. Þekkjumst við persónulega?
10. Hver er tilgangurinn með lífinu?
11. Myndiru bakka mig upp í slagsmálum?
12. Myndiru þaga yfir leyndarmáli ef það skipti mig máli?
13. Besta minningin þín um okkur?
14. Myndir þú gefa mér nýra?
15. Segðu eitthvað skrýtið um þig:
16. Myndir þú hugsa um mig ef ég væri veik?
17. Getum við hist og bakað köku?
18. Hefuru heyrt kjaftasögu um mig nýlega?
19. Talaru eða hefuru talað illa um mig?
20. Finnst þér ég góð manneskja?
21. Myndir þú kerya með mér hringinn í kringum landið?
22. Finnst þér ég aðlaðandi?
23. Hverju myndiru vilja breyta í mínu fari?
24. Í hverju sefuru?
25. Kæmiru í heimsókn af tilefnislausu, bara til að chilla?
26. Myndir þú koma á stefnumót ef ég myndi bjóða þér?
27. Ef ég ætti einn dag ólifaðann, hvað myndum við gera?
28. Ætlaru að setja þetta á þína síðu svo ég geti fyllt þetta út?

...hehehehe meira bullið....

2006-10-27T14:17:00.000Z

Eina klukkustundina er maður ekkert að spá í bílum og svo hina klukkustundina er maður friðlaus yfir að kaupa nýrri bíl..... og það kemur bara eitt til greina.... Subaru Legacy, sjáum hvað setur.

2006-10-24T08:59:00.000Z

Það var ekki að sjá og heyra að það væri mikill aldursmunur á okkur mæðgum í morgun þegar við litum út um gluggann og sáum að allt var hvítt.... en yndislegt og jólalegt. Núna er minn tími kominn, fyrsti vetrardagur var á laugardaginn þannig að veturinn er formlega kominn. Ég sé þó einn ókost við veturinn núna.... það verður kannski erfiðara að stunda útihlaupin en ég geri þá bara eitthvað annað inni í staðinn.
Ég er annars búin að kaupa eina jólagjöf og búin að ákveða fjórar. Ætla að fara að föndra smá með Lindu Björk, ætla að vera fyrr á ferðinni með jólabaksturinn, jólakortin og bara njóta þess að hlakka til jólanna - já ég komst nefnilega í jólaskap í morgun þegar við mæðgur þrömmuðum í snjónum á leið í vinnuna. Akkúrat tveir mánuðir í uppáhaldsdaginn minn.

2006-10-23T09:06:00.000Z

Núna langar mig mest af öllu að vera heima hjá mér og ganga frá öllu dótaríinu sem ég keypti í Reykjavík. Já ég eyddi helginni í Reykjavík með henni Hjördísi sys og skemmtum við okkur bara ansi vel. Fórum í bíó á "Texas Chainsaw Massacre 2" og hún var vægast sagt viðbjóðslega ógeðsleg og ekki fyrir viðkvæma en þar sem við Hjördís erum svo hugrakkar þá sátum við alla myndina en okkur langaði nú að grenja í sumum atriðunum. Frábær mynd og mæli með henni.... fyrir hugrakka eða eins og kvikmyndaskoðun segir "þessi mynd er mjög erfið áhorfs og mun erfiðari en t.d. Hostel og The Hills Have Eyes" ... sem segir bara allt sem þarf.
Fórum á Red Chili og þurftum að tala ensku.... sem pirraði okkur mikið þar sem við erum á Íslandi. Þjónninn bauð okkur samt í partý um næstu helgi..hehehehehe.
Horfðum á OC... og Hjördís lánaði mér svo alla seríuna. Svo var bara helginni eytt í Smáralind og í IKEA, það var bara ekkert flóknara en það og keypt og keypt og keypt og þurfti ég að skilja eftir smá dót hjá Hjördísi.. nennti ekki að burðast með það í Herjólf.
Á ferðalaginu kláraði ég "Engla og Djöfla". Fínasta bók en ekki nærri eins góð og "Blekkingarleikur".... svolítið lengi í gang en spennandi undir það síðasta. Núna er ég byrjuð á "11 mínútum", ætla að gefa höfundinum séns en hann heillaði mig alls ekki með "Alkemistanum". Hún byrjar allavega vel þessi.

2006-10-20T09:34:00.000Z

Brynjar sá þúsundfætlu inni á baði í gær... hann náði henni ekki og það var nóg til þess að ég þorði ekki inn á bað.... dóttirin fer á klósettið og kallar "búinn".... ég stend fyrir framan hurðina og spyr hana hvort hún sjái nokkra pöddu.... ég stend og svitna fyrir framan hurðina í ca þrjár mínútur og segi henni að leita betur og stelpan orðin pirruð. Loks þegar ég held að allt sé óhætt sé ég þúsundfætluna á gólfinu á brjálaðri siglingu... ég öskra... stelpan öskrar og kallar "mamma taktu hana"... ég öskra aftur og kalla "upp með lappirnar". Hernaðarástandi lýst yfir inni á baðherbergi. Við öskrum í kór og ég hringsnýst í kringum sjálfan mig í leit að morðvopni.... hún situr á klósettinu með lappirnar upp, ringluð hleyp ég öskrandi og tek það sem hendi var næst, pakki með jólareykelsi.... ég kalla "ég drep hana, ég drep hana" og slæ ógeðis pödduna nokkrum sinnum þar til hún er orðin algjörlega kramin og dauð. Við mæðgur fáum hláturskast af geðshræringu og ég eldrauð í framan og kófsveitt reyni að útskýra fyrir barninu að þúsundfætla sé ekkert sem maður þurfi að vera hræddur við... þetta sé bara padda sem sé hrædd við okkur...."en afhverju varst þú svona hrædd mamma mín".........
Ætli það sé til námskeið á íslandi í pöddufóbíum... án gríns þetta gengur ekki lengur.

2006-10-19T14:02:00.000Z

Á morgun ætla ég að skella mér í borgina.. alveg alein, karllaus og barnlaus og bíllaus. Við systur ætlum að ímynda okkur að við séum úti í Köben alla helgina og dúlla okkur.
Ég lofa engum heimsóknum en ef þið viljið hitta mig þá verð ég annaðhvort í IKEA eða í Smáralind..... eða bíó.....

PS... ef þið þurfið hjálp með rennilása þá er ég komin með Bachelor of Science gráðu í þeim fræðum, viðgerðarlínunni... já maður reddar sér og fer stundum aðeins framúr væntingum.

2006-10-18T14:11:00.001Z

Er ekki einum of þegar Vottar Jehóva eru farnir að koma í vinnuna hjá manni og setjast bara í básinn til að ræða um trúmál og spyrja spurninga eins og "ertu trúuð".... sem betur fer slapp ég í þetta sinn, hefði orðið sótreið hefði votturinn komið inn á "skrifstofuna" mína og ég ekki einu sinni getað skellt hurðinni á nefið á honum. Ég er nú bara með mína barnatrú og kæri mig ekki um svona ágang og hananú.

2006-10-18T08:53:00.000Z

Gott hjá stjórnvöldum að hefja hvalveiðar... þó fyrr hefði verið.

2006-10-17T09:00:00.000Z

Ég er eins og lítill krakki að bíða eftir jólunum... í kvöld byrjar Prison Break og ég bara get ekki beðið...fjúffff........ eins gott að þetta verði ekki einhver upprifjunarþáttur.
Svo er það bara Greys í nóvember og Lost í janúar.

2006-10-16T12:45:00.000Z

Ég er á nálum. Neðri hæðin er að fara á sölu og ég er á nálum hvaða fólk kemur þangað. Sakna fyrri íbúa þó ég sakni ekki kattarins þeirra.. það er bót í máli að vera laus við að hella vatni yfir hann í tíma og ótíma, senda honum morðauga og bregða honum ... enda var hann orðinn svo skíthræddur við mig að hann hljóp eins og pardusdýr þegar hann sá mig. Fyrri íbúar voru mjög fínir og oft eins og ég byggi í einbýlishúsi.
Núna er ég með áhyggjur yfir að næsta fólk verði með hund.... ég vil ekki að hundurinn sé valsandi um minn garð, á ég þá að fá mér riffil og vera tilbúin í glugganum ? Ég þoli ekki hundagelt, hundaskít og bara hunda yfir höfuð - ég er hundanazisti. Ég hef auðvitað líka áhyggjur af að þarna niður komi partýfólk, reykingafólk, subbur og auðvitað dópistar. Þetta er nefnilega happadrætti..... og vonandi vinn ég í þetta sinn.

2006-10-12T09:34:00.000Z

Nú er ég alveg komin með nóg af rennilásum og smellum. Ég er búin að vera með eindæmum óheppin með þessa hluti.
Upptalning: Hef keypt tvenna regngalla á stelpuna frá 66°norður og smellan í axlaböndunum hefur farið á báðum buxunum og það er bras að gera við þetta, stelpan fékk ÍBV íþróttagalla í afmælisgjöf (hummel) og rennilásinn á jakkanum var gallaður, hann tættist upp, ég fékk jakkanum auðvitað skipt og það þarf að fara varlega með nýja rennilásinn. Hún fékk góðan og dýran kuldagalla frá 66°norður og viti menn smellurnar duttu af og týndust. Hún fékk gefins kuldagalla frá Didrikson og rennilásinn "opnaðist". Ég keypti kuldaúlpu á stelpuna frá Didrikson og á einhvern ótrúlegan hátt náði ég að klemma lásinn á rennilásnum milli stafs og hurðar þannig að hann beyglaðist og ekki var hægt að renna úlpunni. Hún fór í viðgerð og ég fékk nýjan lás. Nokkrum dögum síðar er stelpan að renna upp og þá bara kom stórt gat á milli, rennilásinn ónýtur. Ég keypti mér kuldaúlpu fyrir nokkru síðan og rennilásinn á henni "opnaðist" líka svona... ég fór með hann í viðgerð en saumakonan sagði mér að koma á næsta ári því það væri svo mikið að gera hjá henni en hún gerði bráðabirgða við hann.
Núna er ég komin með upp í kok af ferðum til skósa, saumastofa og fá þessu og hinu skipt v. galla. Tek það fram að allar eru þessar vörur "góð merki", þetta er ekki eitthvað drasl sem kostaði ekki neitt. Ég vil kaupa föt sem endast og verða ekki eins og tuskur eftir fyrsta þvott..... + ef það kæmu nú fleiri börn þá væru þessir hlutir til á heimilinu. Þetta eru dýrar og góðar vörur en það er greinilega ekki lagt mikið í rennilása, hnappa og smellur. Versta við þetta er að ég get varla þrætt nál og get því ekki bjargað mér sjálf.

2006-10-09T11:19:00.000Z

Stelpur ! Ef þið eruð einar heima og langar til að sjá góða kvikmynd, takið þá "Memoirs of a Geisha"...... yndisleg mynd.

2006-10-05T08:47:00.000Z

Það eru tveir valmöguleikar í stöðunni:
Hvort viltu kalt Pepsi en goslaust eða "við stofuhita" Pepsi með gosi ???

Stundum gleymi ég að setja Pepsi-ið í ísskápinn og þá þarf ég að standa frammi fyrir þessum möguleikum. Þetta er nefnilega fjarri því að vera eins og í auglýsingunum með klakana. Allavega í mínum Pepsi-um frussast allt gos úr þegar klakarnir eru settir ofaní og það skiptir engu máli þó ég set þá ofurvarlega og læðist um með þá þannig að Pepsi-ið fatti ekki að þeir eru komnir ofaní...nei nei... drykkurinn verður algjörlega dauður/flatur/goslaus eftur gossprenginguna við klakana. Ég er því búin að komast að því að það er ekki hægt að setja klaka í gos.
Ég vel frekar volgt Pepsi með gosi.

2006-10-04T16:13:00.000Z

Ég er með svo hræðilega bólu á hökunni að ég hef áhyggjur af því að fólk sjái mig ekki fyrir henni..... liggur við að ég þurfi að kynna hana í staðinn fyrir sjálfan mig.... en jæja hún hlýtur að fara áður en ég gifti mig.

2006-10-02T15:38:00.000Z

Ég safna auðvitað öllum þessum gullkornum sem dóttir mín lætur út úr sér og eitt kom í gær;

Linda Björk: "Valur Yngvi er auli"
Ég: "Svona segirðu ekki Linda mín... afhverju segirðu þetta um besta vin þinn ?
Linda Björk: "Hann er alltaf að reyna að kyssa mig og þeir sem eru að reyna að kyssa mig og ég vil ekki kyssa þá eru aular."

Ég get með engu móti skilið þetta samhengi.
Ætli þetta gullkorn verði ekki látið flakka þegar hún giftir sig.......

2006-09-29T08:52:00.000Z

Ég fékk sendingu frá Alla frænda í Ameríkunni í gær. United 93 DVD diskurinn og vá þvílík gleði. Ég er búin að bíða spennt eftir að sjá þessa mynd og örugglega búin að horfa á trailerinn 10 sinnum. Uppáhaldsfrændinn fylgist greinilega vel með hér á blogginu og leysti vandamálið svona létt þegar ég var að vandræðast yfir hvort ég ætti á ball eða til Reykjavíkur í bíó. Pakkinn kom reyndar aðeins of seint og ég fór á ballið... en húmorinn skilaði sér, ekta "Alla-húmor".
Ég gat auðvitað ekki beðið og fór að ráðum Alla, poppaði og horfði á myndina í gær. Þessi mynd olli mér sko ekki vonbrigðum, hún var algjör snilld og mæli ég hikstalaust með henni. Það sem mér fannst sniðugast í henni var að það var enginn þekktur leikari og gerði það myndina raunverulegri. Myndatakan var einnig snilld og sýndi þetta kaos svo vel sem einkenndi þennan dag. Frábært eintak... ég ætla að horfa á hana aftur og aftur.
Þúsund þakkir enn og aftur Alli. Við familían ætlum að byrja að spara fyrir næstu USA ferð og þá lofum við að stoppa aðeins lengur hjá þér.... vandamálið er bara flugið.. ég veit ekki hvort ég þori.

2006-09-28T13:10:00.000Z

Alveg er mér sama með þessar virkjanir þarna á Kárahnjúkum og ég reyndar fatta ekki þessi endalausu mótmæli ennþá, dettur bara í hug málshátturinn "betra er að byrgja brunninn áður en barnið er dottið ofaní"(eða hljómaði hann ekki svona annars). Allt í einu flykkjast ferðamenn að þessum stað núna... ætli ferðafrömuðir þessa lands hafi nokkuð vitað af þessum Kárahnjúkum áður. Ómar Ragnars að missa sig yfir þessu og heimtar að við kaupum stífluna.... til hvers ???? held hann sé að verða bull í koll núna kallinn. Þeir mega virkja klósettið heima hjá mér fyrir mér.... en nei.. ætli það fyllist ekki allt af mótmælendum heima hjá mér þá... hmmmmm..... "Ísland úr Nato" !!!!

2006-09-27T14:35:00.000Z

Merkilegt hvað hreyfing hefur góð áhrif á mann... maður kemst bara í stuð eftir að hafa hlaupið aðeins og svitnað..yndislegt. Það er búinn að vera einhver leiðindar hundur í mér bæði í gær og í morgun og viti menn... ég skildi hann bara eftir inní dal og hljóp brosandi restina. Lovlí.

2006-09-26T11:51:00.000Z

Eru konur með tvö börn duglegri en konur með eitt barn?
Eftirfarandi comment fékk ég um daginn og ég get sagt það að ég varð sótrauð af reiði.
"Hvernig er það á ekki að fara að koma með annað eins og xxxx, hún er svo dugleg að hún er að koma með sitt annað barn"
...uuuu er ég þá aumingi....að vinna allan daginn alla daga og ala upp barn í leiðinni... hver getur sagt mér það að kona í fæðingarorlofi með tvö börn sé duglegri en kona á vinnumarkaði með eitt barn...ég hef alveg verið í fæðingarorlofi og þetta var lúxuslíf.. vildi að ég gæti upplifað það oftar en ég myndi ekki telja mig duglega fyrir það... kannski bara heppna. Ég get aldrei sætt mig við þessa athugasemd... og ég tala nú ekki um óaðgætnina og hvað fólk getur látið út úr sér hikstalaust og án þess að pæla. Það getur ýmislegt verið á bakvið barnleysi eins og t.d. ófrjósemi og hvað gera svona athugasemdir annað en að skvetta olíu á eldinn.

2006-09-24T21:57:00.000Z

Ég tek til baka gagnrýni mína á Stöð 2 fyrir að sýna Fóstbræðraþættina í hundraðasta sinn. Þetta er ógeðslega fyndið, mætti bara vera aðeins seinna því ég horfi auðvitað alltaf á Spaugstofuna líka hehehehe, algjör snilld þessir þættir.
Ég og nágrennið mitt lenti í vatnsleysi á laugardaginn og enginn vissi neitt eða hvað þetta yrði lengi. Ég var að brjálast yfir að geta ekki fengið mér kaffi um morguninn en bjargaði því með því að taka vatn úr brúsanum sem ég nota til að vökva blómin, ég gat ekki þvegið mér í framan, þvegið hendurnar á mér, sturtað niður, þvegið í kringum mig með borðtusku, notað uppþvottavélina og fleira og fleira. Ég var allavega voða þakklát fyrir vatnið þegar það kom aftur ca 8 klukkutímum seinna... aðeins of lengi að mínu mati og að vita ekkert um það fyrirfram. Mamma lánaði mér vatn í tvo tveggja lítra Pepsi brúsa þannig að kaffið reddaðist allavega á heimilinu.
Lovlí rólegheitahelgi annars að öðru leyti, horfði á tvær dvd; Firewall með Harrison Ford; fínasta afþreying en algjör amerísk formúlumynd og svo Half Life með Demi Moore; betra en sú fyrri og sem betur fer horfði ég á hana á sunnuDEGI..... varð svolítið hrædd... enda má ég nú ekki við miklu.
Ein spurning, hvort á ég að setja 10.000 kr. mánaðarlega inn á höfuðstólinn á íbúðalánasjóðsláni eða 10.000 kr. mánaðarlega inn á sparnaðarbók ????
...eða bara bæði ???!!!!

2006-09-22T15:31:00.000Z

Ekkert smá sniðug könnun hér. Sýnir sig að gatnakerfið í borginni er löngu sprungið.

2006-09-20T22:25:00.000Z

Ég var að komast að því að ég er að hlaupa rétt tæpa þrjá kílómetra þrisvar í viku sem er bara nokkuð gott. Vinstra hnéð er þó ekki alveg sammála því að það sé eitthvað gott og mótmælir kröftuglega. Hef ekki fundið fyrir svona mótmælum síðan ég var í boltanum hérna í den. Ég er því búin að fjárfesta í þessari fínu hita og stuðningshlíf fyrir hnéð og vonandi gerir það eitthvert gagn... mér þykir nefnilega gaman að hlaupa með músík í eyrunum. Mér finnst það eins gaman og ég fæ eins mikið út úr hreyfingunni eins og mér finnst leiðinlegt og langdregið að labba og ég svitna bara ekki við það. Ég var þó ekki spenntari og montnari en það yfir hnéhlífinni um daginn en að ég gleymdi henni og fattaði það þegar ég var komin hálfa leið að mér var illt í hnénu.. já hlífin gerir ekkert gagn inní skáp.
Fór í saumó til Önnu Huldu í gærkvöldi og jeminn hvað það var gott að borða hjá henni og á morgun er frænkó hjá Önnu Sirrý og það verður ekki síðra þar ef ég þekki hana frænku rétt... þetta er allt að startast fyrir veturinn, farið að dimma og kólna, sjónvarpsdagskráin að verða betri og betri, kertatíminn að koma og það vantar bara snjóinn...grrrrrr.
Hvenær byrja Lost og Prison ????

2006-09-18T15:00:00.000Z

Þetta samtal átti sér stað að morgni sunnudagsins 17. september.
Brynjar: "Hvar varst þú eiginlega allt ballið" ?
Ég: "Ég var sko bara að dansa við Gumma"
Brynjar (setti upp augu) "Ha ! Gumma ?????"
Ég: "Já (hneyksluð) Gumma Jóns" !!!!!

Hrikalega var gaman og takk þið snillingar sem kíktuð í heimsókn til mín fyrir ballið.
Núna er maður svo allur lemstraður, með nokkra marbletti á hnjánum og hrikalegan hálsríg, hélt ég væri bara að festast í hálsinum í gær.
Um næstu helgi er svo árshátíð sparó og ég nenni ekki. Held að þetta ball dugi mér næstu mánuði.

2006-09-15T14:48:00.000Z

Ég er bara alveg bit. Hvað er í gangi á Stöð 2 ? Þeir eru að fara að sýna Fóstbræðraþættina aftur og á besta tíma. Hvað erum við oft búin að sjá Fóstbræður ?? Ég er búin að sjá þessa þætti nokkrum sinnum allavega og mér finnst ófært að vera að borga fullt af penge í áskriftargjöld fyrir endalausar endursýningar og hananú. Ég er samt ekkert að fara að hætta með Stöð 2 sko en ..... fannst nú samt alveg næg ástæða til þess með þessa Það var lagið ógeðisþætti.... en nei ég heiti Matthildur og ég er sjónvarps-holic. Hata samt "Það var lagið" eins mikið og ég elska "Greys".

Fékk langþráða símhringingu áðan frá Bókasafninu, Englar og Djöflar voru að koma inn.....ef ég sést ekki á Sálarballinu á morgun þá er ég heima á bólakafi við lestur. Ætli Kolla frænka hafi verið að skila henni... ég var allavega farin að gefa henni illt auga. Get ekki beðið eftir að komast í hana þessa júhúúú.

2006-09-13T10:00:00.000Z

Hrikalega eru þessar auglýsingar frá KFC leiðinlegar. Þær eru þess valdandi að ég fer aldrei á KFC... ekki það að ég sé vön því en vá þær bara ýta manni enn lengra í burtu. Bara lagið í þeim gefur mér kaldan hroll frá tám.

2006-09-12T11:50:00.000Z

Mér skilst það að flest börn eru orðin læs þegar þau byrja í 6 ára bekk. Hvernig stendur á því og er sú virkilega raunin ? Eru foreldrar að keppast við að kenna börnunum að lesa áður en þau byrja í skóla eða er það gert á leikskólanum ? Eiga skólarnir ekki að sjá um þennan þátt ? Mér var t.d. kennt að lesa í 6 ára bekk. Líta foreldrar þannig á málið að fyrst að þetta barn kunni að lesa þá verð ég að kenna barninu mínu líka að lesa áður en það byrjar í skóla. Ég fatta þetta ekki.
Á ég að fara að kenna dóttur minni að lesa núna..... æ ég veit ekki, mér finnst þetta bara vera hlutverk skólans en ef öll önnur börn eru orðin læs þá má hún ekki vera á eftir eða hvað ?

2006-09-09T21:31:00.000Z

Hvaða tilviljun er það að akkúrat í dag kom tengingarmaður til að tengja skjáseins digital sjónvarpið hjá mér og með því fylgir Sirkus og í dag er akkúrat dagurinn sem Sirkus er að sýna beint frá tónleikum Robbie Williams og ég er búin að bíða frá áramótum eftir því að þetta yrði tengt........ þetta er ekki tilviljun - mér var gjörsamlega ætlað að sjá þessa tónleika á Sirkus. Afhverju er ég ekki búin að fara á tónleika með Robbie... ég kann flest lögin hans og myndi örugglega sóma mér vel fremst við sviðið í hlýrabol merktum "Robbies Angels". Hrikaleg snilld er þessi maður.

2006-09-08T10:22:00.000Z

Úfff hvað ég er fegin að það er föstudagur enn og aftur. Ég ætla ekki að gera neitt um helgina eða jú... fer kannski í smá lundapysjurúnt með litlu dúlluna og það er allt og sumt. Annars er ég enn að hugsa um hvort ég eigi að fara á Sálarball um næstu helgi eða fara til Reykjavíkur og kíkja í bíó á United93... þetta er mikið og erfitt vandamál að velja um en það hlýtur að skýrast eftir helgi.
Eitt enn.... hver sagði að Alkemistinn væri góð bók ????? Oh my god.... ég er rúmlega hálfnuð á henni og ég er nú ekki alveg sammála því að hún sé eitthvað góð.... hún er allavega ekki að klófesta mig og ég eiginlega hlakka bara til að klára hana því jú... ég ætla nú ekki að gefast upp á henni. Ég er svo að bíða eftir Englum og Djöflum, Dan Brown er sko algjörlega í uppáhaldi hjá mér núna, það lá við að ég læsi Blekkingarleik á meðan ég var að elda, sú var spennandi.

Að öðru. Það er greinilegt að ég er mamma dóttur minnar. Hún var að fara á sína fyrstu alvöru fimleikaæfingu um daginn. Hún heimtaði að fara í spænska landsliðsbúningnum í fótbolta og með fótboltalegghlífarnar..... jiiii greinilegt að sumir eru að ala upp litla fótboltastelpu. Ég náði að sleppa legghlífunum en í búningnum fór hún og mikið var ég fegin að sjá aðra stelpu í stuttbuxum og bol því allar hinar voru í fimleikabolum, bleikum og prinsessulegum. Ætti ég að splæsa á hana fimleikafötum.........kannski kvartbuxum og bol.

2006-09-07T12:31:00.000Z

Í rúma átta mánuði er ég búin að fylgjast með lítilli yndislegri stelpu berjast fyrir lífi sínu. Ég þekki hana ekki neitt en mér finnst eins og ég þekki hana og foreldra hennar vel. Á þessum níu mánuðum hef ég skoðað reglulega heimasíðu sem foreldrar hennar halda úti fyrir hana og þvílíkar hetjur eru þau. Ég get alls ekki sett mig í þeirra spor og er þess handviss að þau hafi við veikindi dóttur sinnar öðlast einhvern aukakraft til að takast á við þessi örlög og bara kraft til að standa upprétt, brosa, hlæja, vaka yfir veiku dóttur sinni og yfirhöfuð vera til.
Hún Bryndís Eva dó í gær. Hugur minn er hjá fjölskyldu hennar og með þökkum fyrir að leyfa okkur að fylgjast með.

2006-09-06T16:20:00.000Z

Ég man það núna. Mig dreymdi í nótt að ég væri í Kolaportinu... labbaði þar um og skoðaði allt, alveg heillengi. Kolaportið var samt ekki á sama stað og það er núna heldur var þetta eitthvað annað Kolaport. Hey common.. hvað þýðir þetta eiginlega og þó mér þyki gaman að versla þá finnst mér þetta nú einum of.

2006-09-06T09:37:00.000Z

Það liggur við að ég fari til Reykjavíkur bara til þess eins að fara í bíó á United93... hrikalega langar mig að sjá hana og helst NÚNA.

2006-08-31T16:27:00.000Z

Nú verð ég örugglega drepin en jæja ég læt það flakka. Ég er ekkert smá hneyksluð á þessum áróðri fyrir að kjósa Magna og sérstaklega auglýsingunni með tónlistarmönnunum sem hrópa "áfram Magni" og biðja mann svo um að kjósa hann áfram. Sorry.... ég fékk svo þvílíkan kjánahroll þegar í ljós kom í gær að hann var bara langefstur og hverjum er það að þakka... jú.... íslendingum sem vöktu fram á nótt og kusu hann aftur og aftur og aftur og aftur..... þeir þarna sem stjórna þessu hljóta bara að fatta hvað er í gangi.
Annars fannst mér Toby geðveikislega flottastur og ég hefði kosið hann hefði ég nennt að vaka eftir þessu. Mér finnst það bara alltaf þannig að sá besti eigi skilið að vinna.

Þetta er síðasti dagurinn minn í fríinu.... byrja á morgun í vinnu og þá eru níu mánuðir í næsta sumarfrí - hversu niðurdrepandi er það en jæja það verður fljótt að líða.

2006-08-28T20:44:00.000Z

Datt inní umræður á barnalandi um eyrnagötun hjá smástelpum og þá er verið að tala um yngri en sex ára. Ég blandaði mér nú ekki í þessar umræður frekar en fyrri daginn en ég fór samt að pæla í þessu. Ég hef alveg skoðun á þessum eyrnalokkagötunum á smábörnum og hún er einfaldlega sú að mér finnst þetta algjörlega óviðeigandi og ég skil ekki þegar þetta er gert. Sorry þið öll og vinir mínir sem hafið látið gata litla eyrnasnepla .... þið hafið auðvitað ykkar skoðun á þessu og ég virði hana. Ég myndi hinsvegar ekki gera þetta. Ef dóttir mín myndi biðja mig um eyrnalokka, mér myndi bara bregða og segja þvert NEI, í fyrsta lagi um fermingu litla mín.
Hver er tilgangurinn með eyrnalokkum á t.d. 3 ára stelpum ? Þetta eru smábörn. Allt annað finnst mér um t.d. svona eyrnalokkalímmiða upp á fönnið... finnst það ekki sami hluturinn og að gata börnin eins og gert er við fullorðna. Þessi hlutur minnir mig bara á gallabuxurnar og mínítoppinn sem var til í Hagkaup ætlað fjögurra ára stelpum og á stóð "sexy".
Svo er kannski ekkert að marka mig í þessum málum, ég er t.d. ekki með göt í eyrum og nota aldrei hringa - ég er lítil glingurkona og kannski kristallast skoðanir mínar á smábarnaeyrnagötunum í því.

2006-08-27T19:49:00.000Z

Ástæðan fyrir stopulu bloggi frá mér síðustu viku er þjófurinn hann Brynjar sem er víst búinn að stela tölvunni "minni". Hann þykist vera að nota hana í tengslum við skólann og ég hef því ekkert getað bloggað.
Langaði til að segja frá IKEA ferð minni þegar ég var í Reykjavík í síðustu viku... stoppaði að vísu hrikalega stutt í borginni eða frá klukkan 13-18 þann dag og var hann nýttur í minni elskulegu Smáralind + fleiri búðir.. en ég fór sem sagt í IKEA og ég var sko ekki hamingjusöm með þá ferð. Hvernig geta þeir verið með búð þegar á 90% miðum á húsgögnum stendur "Vara ekki til en væntanleg og vinsamlega hafið samband við starfsfólk". Vá hvað búðin hlýtur að þurfa að fjölga starfsfólki til að sinna þessum beiðnum. Ég held ég hafi kíkt á fjögur skrifborð á pínulitlum radíus og öll voru með þennan miða á sér. Hef líka lent í því að ætla að panta vörur á vefnum hjá þeim en alltaf skal vera hringt í mig og eitthvað vantar....... en steininn tók úr um daginn þegar allar fimm vörurnar sem ég pantaði voru ekki til. Samt fer ég alltaf aftur og aftur í IKEA.

Brynjar var að tilkynna mér það að hann ætlar að gerast mormóni í UTAH.....

2006-08-17T20:11:00.000Z

Fórum í dagsferð á Akureyri í gær og það var nú bara fínt. Brynjar elskar Akureyri meira en mig og honum langar svo að eiga heima þar og það er allt svo fullkomið á Akureyri og þar fær hann Greifapizzu og kemst á skíði og niður gilið og þar er svo snyrtilegt og og og og blablablablablabala.......en NEI TAKK myndi nú ekki vilja búa þar þó mér finnist gaman að fara þangað svona stöku sinnum. Það er þrennt sem maður gerir alltaf þegar maður fer á Akureyri; fara á Greifann og fá sér pizzu númer 15 (skinka, bananar, gráðostur og sveppir), Brynjuís og í Glerártorgið. Skil samt ekki afhverju ég fer alltaf í Glerártorgið því ég verð alltaf fyrir jafn miklum vonbrigðum með það og enda alltaf á að kaupa ekki neitt þarna. Svo keyrum við alltaf framhjá sundlauginni og þar blasir við þessi svaka rennibraut og litla skottan tryllist þegar hún sér hana en mamman segir alltaf að við förum bara næst...úfff hversu lengi ætli ég komist upp með þetta... held það þýði ekki lengur að "gleyma" sundfötunum á Sigló. Ég sjálf hef samt fína afsökun, ég á ekki sundföt og ég er að leita að þeim fullkomnu sem passa mér fullkomnlega. Haldari með "wonderbra" og boxerbuxur og ekki væri verra ef svona stuttbuxnaboxersundbuxur kæmust í tísku hjá kvenþjóðinni - held ég færi í sund á hverjum degi þá, alveg laus við spéhræðsluna.
Hafiði farið í jólahúsið á Akureyri ??? Jiiii ég missti mig þarna og ef einhver hefði spurt mig hvað ég væri gömul hefði ég vafalaust sagst vera 8 ára. Ég fór á klósettið þó ég þyrfti ekki að pissa bara til að fá réttu stemmninguna. Keypti mér jólareykelsi, jólanammi.... og ef Brynjar hefði ekki verið með hefði ég líklega spurt um vinnu þarna. Þetta var æði.... og fékk svo "jingle bells, jingle bells" á heilann og söng það inní mér á leiðinni til baka með sólgleraugu í bongóblíðu.
Fórum í berjamó í dag og ég komst að því að berjamó er einn minn helsti Fear Factor. Ég fékk köngulóarvef á mig, þar eltu mig vespur og hunangsflugur og ég held ég hafi talið fleiri köngulær en ber.... "vínber" eins og skottan segir. Berjamóurinn..mórinn....móið... eða hvernig sem þetta er sagt var sem sagt þakið köngulóarvef og á endanum hélt ég mig bara til hlés og íhugaði alvarlega að setja buxurnar ofaní sokkana, svona til öryggis.

2006-08-13T21:44:00.000Z

Nú er kellan og co stödd á Sigló og verðum hér eitthvað fram í næstu helgi. Fórum "suður" á laugardaginn eins og við Eyjamenn segjum alltaf þó við séum í rauninni að fara í norður þegar við förum upp á land. Fór með stútfullum Herjólfi og það heyrir orðið til undantekninga að Herjólfur sé ekki stútfullur þegar ég fer með honum og ég fer bara nokkuð oft. Þetta er eitt það leiðinlegasta sem ég lendi í = stútfullur Herjólfur og það er bara pirrandi þegar maður þarf gjörsamlega að passa sætið sitt svo maður missi það ekki. Gleymi því ekki þegar ég fór einu sinni með Herjólfi bálólétt og lenti einmitt í honum svona fullum og ég fékk ekki sæti allan tímann.... já bálólétt og þurfti að standa stóran hluta ferðarinnar en settist svo að lokum inn í barnasal á gólfið.... það var ekkert spes ferð. Annars þykir mér fínt að ferðast með Herjólfi, bara næs sko.
En jæja hvað um það... fórum á Gay Pride gönguna í gær og það var í að ég held þriðja sinn sem við fórum á hana og það var auðvitað bara fjör en stoppuðum of lengi þar því ég komst eiginlega ekkert í Smáralindina og það var ekki vinsælt hjá minni. Brynjar náði að plata mig svona heiftarlega með tímanum að ég komst eiginlega bara í Hagkaup og búið en ég á alltaf heimleiðina í bakhöndinni og þá kíki ég örugglega ef hann platar mig ekki aftur. Brunuðum svo á Sigló eftir að hafa fengið okkur að borða og við fórum í veðmál um hvenær við yrðum komin að "Velkomin til Siglufjarðarskiltinu" og það veðmál var gert í Mosfellsbæ um sjöleytið. Brynjar sagði 23:07, ég sagði 23.22 og Ingvar sagði 23:30.
Ég var stjarnfræðilega nálægt tímanum því við vorum við skiltið klukkan 23:21.... ótrúlegt !
Í dag erum við svo bara búin að vera að berjast við krakkana .... Linda Björk og Christian Glói frændi hennar eru bara eins og Tommi og Jenni.
Á morgun verður því áreiðanlega haldið áfram að berjast við krakkana og þarnæsta dag og hinn........ og svo skilst mér að Tommi fari suður með foreldrum sínum og þá verða örugglega rólegheit + ætlunin að kíkja á Akureyri einn dag, ég, Brynjar, Ingvar og Jenni.... og bara eitthvað eftir hendinni enda er maður í fríi.... eða var ég nokkuð búin að minnast á það...hehehehe.
Ég er líka að lesa stórkostlega bók. Blekkingarleikur eftir Dan Brown. Ég bara get varla slitið mig frá henni, las hana t.d. nánast alla keyrsluna í gær ... algjör prinsessa á meðan Brynjar keyrði og reyndi að tala við mig.

2006-08-09T19:30:00.000Z

Jæja þá er Þjóðhátíðin afstaðin og heppnaðist hún bara alveg ágætlega þrátt fyrir nokkuð mikla bleytu... og þá er ég að tala um útvortis bleytu. Ég var bara nokkuð fegin á mánudagsmorgun þegar þetta allt var afstaðið enda orðin þreytt og annaðhvort er því um að kenna að ég sé orðin gömul eða að ég er farin að detta svo sjaldan í það að ég bara þoli ekki meir.
Veðrið var samt frábært á föstudeginum... og skein sólin glatt á setningunni.

Tjaldbúskapurinn með Ásu gekk frábærlega enda eðalstelpa þar á ferð.
Ég skemmti mér vel og það var frábært að hafa hana Siggu hér hjá okkur og ég býst fastlega við henni að ári... best að fá sér þá svona ungbarnakönnur með stút á svo hún helli ekki meir niður...hhehehehehehe.

Vonbrigði hátíðarinnar voru samt þau að Raggi Bjarna mætti ekki og var ég bara frekar fúl yfir því. Ég beið og beið og beið uppí brekku á föstudagskvöldinu, pissaði næstum á mig þar sem ég tímdi ekki að fara á kamarinn en aldrei kom hann - asnalegt að auglýsa manninn en svo mætir hann bara ekki.

Mér fannst frábært að hafa stelpuna með mér á kvöldin. Hún er agaleg Þjóðhátíðarmanneskja og verður einhverntímann góð... hoppaði í brekkunni eins og unglingur, söng og trallaði.
Tjaldpartýin klikkuðu ekki og ég fór aldrei á danspallinn.. eins og í fyrra og jú mér finnst það bara ekkert sniðugt. Ætla að bæta úr því næst og fara á pallinn.

Núna er ég svo bara áfram í fríi og veit bara ekkert hvað ég á af mér að gera. Verð ein í kotinu með stelpunni á morgun þar sem Brynjar fer upp á land í skólann. Við mæðgur erum svo að spá í að skella okkur norður á Sigló um helgina eða eftir helgi... bara spáum í því í rólegheitum.

Nokkrar myndir frá Þjóðhátíðinni hér.

2006-08-01T19:36:00.000Z

Í morgun var litla fjölskyldan komin á bæjarröltið klukkan hálf tíu og hananú, já svona er að vera í sumarfríi .... ég vaknaði meira að segja með bros á vör.
Í dag var haldinn Þjóðhátíðarfundur hjá okkur Ásu og var hann haldinn uppí brekku inní dal við mjög ákjósanlegar aðstæður, sól, logn og hiti. Þar sátum við með kaffi og meðþví... hrikalega flottar á því. Á fundinum var rætt um hvað ætti eftir að kaupa, hvað ætti eftir að baka, hvaða húsgögn við þyrftum að græja inní dal, hvort við ættum að setja plast í tjaldið og jú.... eftir að hafa séð veðurspánna held ég að við þurfum að klæða tjaldið með plasti og jafnvel okkur sjálfar líka oh my god rigningarspáin sko en sem betur fer er maður búin að kaupa regnhattinn.
Annars er allt að gerast; Lundinn kominn í frystinn, búin að smyrja flatkökur líka í frystinn, muffins og sjónvarpskakan, bjórinn og það allt liggur hérna á gólfinu í pokum merktum ÁTVR, ég kann ekki Þjóðhátíðarlagið og legg bara ekki í það aftur, súpukjötið í kjötsúpuna ready og búið að búa um hana Siggu mína, núna er bara að bíða.

2006-07-31T10:11:00.000Z

Djö... er ég orðin pirruð á þessum veðurspám. Ein sýnir hitabylgju, önnur sýnir rok og rigningu og sú þriðja sýnir sól og skýjað.....Ég er hætt að pæla í þessu. Það verður bara eitthvað veður á þessari þjóðhátíð og við getum engu þar um breytt og það þýðir ekkert að væla yfir því þó það rigni og hananú.

Ég er annars að vinna síðasta daginn fyrir frí og ég er í brjáluðu stuði. Þetta er svo langþrátt frí að það hálfa væri nóg. Ætla sko að njóta þess í botn að dúllast með litla skottinu mínu, undirbúa Þjóðhátíðina og hafa það gott.

Sá æðislega mynd í gær á DVD, Walk the Line sem er ævisaga Johnny Cash... yndisleg mynd í alla staði, vel leikin, góð persónusköpun, góð tónlist og saga. Mæli hikstalaust með þessari.

Ásgerður er fundin og loksins náði ég í hana. Skipulögðum okkur í þaula fyrir helgina og hver ætti að kaupa þetta og hver keypti hitt. Hver ætti að baka þessa sort og hvað á að koma með mikið af þessu og hinu. Svo er bara að krossa fingur að við lendum einhversstaðar á svipuðum stað og í fyrra með tjaldið. Ása spurning um að hittast aðeins á kaffihúsi í vikunni... miðjum degi og spjalla, hvernig líst þér á það ?

6 tímar í sumarfrí !!!!!!

2006-07-27T09:14:00.000Z

Veðurspáin fyrir Þjóðhátíðarhelgina er komin og lítur hún bara ekkert skemmtilega út eins og sést hér. Takið eftir að í kringum helgina er fínasta veður en akkúrat föstudag, laugardag og sunnudag kemur leiðindarveður. Minnir mann óneitanlega á 2002 þar sem var sól og blíða á fimmtudag, brjálað veður um helgina og sól og blíða á mánudag. Afhverju ?????... spyr ég bara. Sýnist ég þurfa að kíkja á almennilegar regnbuxur og sjóhatt skv. þessu en jú svo hugsar maður eins og Pollýanna... fínt að fá svona drulluspá því hún lagast bara, versnar varla.

Mig langar í svona veður eins og var í fyrra.....

Miðarnir voru annars keyptir í gær og í dag verður farið í ölsjoppuna því jú það tilheyrir að fá sér í hægri tána. Svo er bara að baka pizzusnúða um helgina og kannski eins og eina köku í tjaldið fyrir föstudagskaffið. Versta er að hún Ásgerður samtjaldsbúi er týnd og lýsi ég hér með eftir henni !!!! Ása mín hvar ertu ???

Dóttir mín ætlar að verða alveg eins og mamma sín... þvílíka þjóðhátíðarmanneskjan. Hún er að missa sig eins og ég og heimtar að fara inn í dal á hverjum degi til að kíkja á uppbygginguna. Syngur svo þjóðhátíðarlög daginn út og daginn inn og ætlar sér að taka þátt í barnasöngkeppninni ... ég á nú eftir að sjá það gerast. Ég bíð bara eftir að hún biðji mig um að kaupa svona brúsa til að hafa um hálsinn, höfuðfat eða hárkollu.

Dóttir hennar Lottu komin í gírinn, takið eftir þjóðhátíðarbandinu á handleggnum.

2006-07-25T20:21:00.000Z

Ég lenti í hálfgerðum vandræðum í dag. Var að leita að korti til að hafa með sængurgjöf. Sængurgjöfin var fyrir tvíbura, strák og stelpu og hvernig kort á maður að kaupa þá. Ég fór í tvær búðir og það voru bara til bleik og blá "til hamingju með dótturina" og "til hamingju með soninn" kort.
Hafið þið lent í þessu ? Ég hugsaði og hugsaði og skoðaði og skoðaði og endaði á að kaupa rautt og hvítt kort með blöðrum og innpökkuðum gjöfum framan á..... hvað annað gat ég gert, ekki kaupi ég tvö kort.

2006-07-24T14:25:00.000Z

Mál málanna í dag; Þjóðhátíðarlagið 2006. Hvað finnst ykkur ?
Mér finnst þetta bara ofboðslega fallegt lag, góð melódía, auðvelt á gítar og yndislega fallegur texti en.... hvað er þetta með sönginn. Stelpan syngur vel en þetta passar bara ekki við Þjóðhátíðarlag að vera með svona dúllur og slaufur og upp og niður. Ég ætla mér að syngja þetta lag í dalnum og ég bara sé mig í anda komin vel í glas að ætla að vanda mig svona við þetta, það er svona djazzstíll á söngnum og það bara passar illa í dalnum. Ég ætla að byrja að læra þetta á stundinni enda aðeins 10 dagar í fjörið og ég syng bara með mínu nefi, sleppi slaufunum bara.

....og hugsa sér, Raggi Bjarna mætir á svæðið - ég brjálast ég er svo hamingjusöm enda átti kallinn dalinn í fyrra. Get ekki beðið eftir Flottum jakka....tvídd tvídd tvíddtvídd *gæsahúð*.

2006-07-21T09:53:00.000Z

Þá er allt að skýrast með Þjóðhátíðina og allt að gerast. Á morgun klukkan 11 verður þjóðhátíðarlagið frumflutt á Bylgjunni. Mín var ekki par ánægð með það þar sem jú búið var að tala um að lagið yrði frumflutt í dag og akkúrat á morgun klukkan ellefu þá verð ég að labba út úr Herjólfi og heyri því ekki mikið í frumflutningnum.

Sú breyting verður á þetta árið að líklega munum við Brynjar ekki tjalda Reynótjaldinu og eru nokkrar ástæður fyrir því. Númer eitt er að eins og staðan er í dag þá munum við ekki fá neina gesti til okkar (nema auðvitað hana Siggu mína) og því finnst okkur óþarfi að vera að tjalda heilu tjaldi bara fyrir okkur og númer tvö er að Brynnsi verður að vinna alla þjóðhátíðina og það gæti orðið vesen að koma tjaldinu upp (ekki geri ég það ein) og koma því niður (ekki ég heldur) og flytja öll húsgögnin á föstudaginn. Númer þrjú er að elskuleg frænka mín og stuðbolti hún Ása bauð okkur að vera með sér í tjaldinu hennar og hentar það okkur bara ansi vel í þetta skiptið en.... Brynjar er næstum búin að lofa mér að vera ekki að vinna aftur á Þjóðhátíð þannig að Reynótjaldið mun rísa eins og venjulega á næsta ári.

Annað.... í sambandi við Þjóðhátíðarblaðið. Alltaf finnst mér jafn vitlaust þegar blaðið er selt svona rétt fyrir Þjóðhátíð. Er ekki hægt að setja það í sölu helgina fyrir Þjóðhátið svo maður hafi nú tíma til að skoða það og lesa og hita sig upp. Mér finnst ég aldrei hafa tíma til að glugga í það svona 5 mínútur í Þjóðhátíð og enda alltaf á að skoða það eftir hátíðina og þá er það bara ekki eins gaman. Vinsamleg ábending til Þjóðhátíðarnefndar; má ekki flýta útgáfunni á blaðinu, held það myndi líka gagnast auglýsendum betur.... ha ??? Birgir hvað segirðu um það ?????

Hætti núna... áður en ég fer að skipta mér af meiru.

2006-07-20T12:38:00.000Z

Verð nú að fá að tjá mig aðeins um þennan Superstar þátt. Hef nú ekki lagt mig í að horfa á þetta en hef svona horft með öðru auganu og hlustað með hinu eyranu. Ég hafði nú enga trú á honum Magna þarna fyrst. Ég hef bara einhvernveginn aldrei heillast af manninum bæði útlitslega og sönglega en greinilega hef ég haft mikið rangt fyrir mér í þeim efnum. Hann var stórkostlegur í gær og vá hvað hann er flottur.
Annað..... mér finnst þessir þrír úr hljómsveitinni bara fyndnir. Þeir minna mig á ákveðnar persónur úr Prúðuleikurunum stundum. Það fer nú ekkert framhjá manni að Tommy er bara að spá í stelpurnar þarna, spáir hvort þær séu í nærbuxum og segist vilja sjá meira af þeim og að honum langi í þær....bara flottur og klikk.
Lögin eru samt sem áður ekki að heilla mig, ég er greinilega ekki rokkari.

Talandi um Prúðuleikarana. Jiiii muniði. Þetta var uppáhaldssjónvarpsefnið mitt hér í den og ég átti minn uppáhaldskarakter sem var þessi. Bara fyndinn karakter.

2006-07-19T09:43:00.000Z

"Mamma ég elska þig rosalega mikið, þú ert besta vinkonan mín"... jáhá.. ekki amalegt að byrja daginn á þessu. Það var líka ekki amalegt að fatta það að ég hafði verið búin að telja vitlaust að fríinu mínu og græddi sem sagt einn dag. Í dag eru því 12 dagar þangað til ég fer í frí og hananú.

Ég er hinsvegar almennt reið út í þessa "tralla" þarna í Reykjavík. Hvernig dettur þeim í hug að ætla sér að láta flóabátinn Baldur leysa Herjólf af og það á háannatíma í ferðaþjónustu. Hvað eru þessir menn bara að gera á þessum fundum sínum, dettur helst í hug að þeir hafi bara dregið nafnið upp úr potti og hlegið sig máttlausa yfir þessu. Mér fannst þetta bara helber móðgun út í Vestmannaeyinga. Bæði er skipið allt allt of lítið, það getur ekki siglt nema í liggur við spegilsléttum sjó, bíladekkið er opið, engar kojur og það er bara allt við þetta skip sem passar ekki við þessa löngu og erfiðu sjóleið. Ég skil líka ekki tímasetninguna á þessari slippferð. Háannatími í ferðaþjónustu og jú Vestmannaeyingar fara flestir í fríið sitt í ágúst, pysjutíminn..... næ þessu ekki.
Annað.... ég er ekki enn að sætta mig við hvað það tekur langan tíma að græja þessa Bakkafjöru. Ég vil ekki sætta mig við sama ástand í samgöngumálum í fjögur ár í viðbót. Mér finnst vera að spila með okkur.
Annars erum við mæðgur að fara í stelpuferð upp á land um næstu helgi. Förum á laugardegi og komum á sunnudegi. Við ætlum bara að dúlla okkur og láta eins og prinsessur, fara í bíó, á kaffihús, versla og borða ís. Hlakka til.